TADBIRKORLIK SUBYEKTLARIDA MOLIYALASHTIRISHNI TAKOMILLASHTIRISH ASOSIDA AHOLI BANDLIGINI TAʼMINLASHNING IQTISODIY TAHLILI
Ключевые слова:
Tadbirkorlikni moliyalashtirish, Aholi bandligi, Kichik va o‘rta biznes, Venchur kapitali, Startap ekotizimi, Ish o‘rinlari yaratish, Islomiy moliya, FinTech, HealthTech, EdTech, Mehnat bozori, O‘zbekiston iqtisodiyotiАннотация
Mazkur maqolada tadbirkorlik subyektlarini moliyalashtirishni takomillashtirish orqali aholi bandligini taʼminlashning iqtisodiy mexanizmlari kompleks tahlil qilingan. Tadqiqotda tadbirkorlik faolligi va mehnat bozori o‘rtasidagi o‘zaro bog‘liqlikning nochiziqli xususiyati asoslanib, moliyalashtirish imkoniyatlarining cheklanganligi kichik va o‘rta biznesning kengayishi hamda ish o‘rinlari yaratilishiga salbiy taʼsir ko‘rsatayotgani ko‘rsatib berilgan. Xalqaro tajriba asosida AQSH, Germaniya, Singapur, Isroil va Janubiy Koreya mamlakatlarida tadbirkorlikni qo‘llab-quvvatlashning institutsional va moliyaviy modellari qiyosiy tahlil qilingan. Shuningdek, O‘zbekistonda venchur moliyalashtirish, startap ekotizimining rivojlanishi, FinTech, HealthTech va EdTech yo‘nalishlariga investitsiyalar dinamikasi hamda islomiy moliya instrumentlarini joriy etishning bandlikka taʼsiri baholangan. Surxondaryo va Sirdaryo viloyatlari misolida tadbirkorlikni qo‘llab-quvvatlash dasturlarining mehnat bozoriga taʼsiri empirik jihatdan tahlil qilingan. Tadqiqot natijasida tadbirkorlikni moliyalashtirishni takomillashtirish orqali barqaror bandlikni taʼminlashga qaratilgan amaliy taklif va tavsiyalar ishlab chiqilgan.
